Cavan Zeynallıya nə olub? - ÖZÜ DANIŞDI
O, Ölkə.az-a açıqlamasında deyib ki, hazırda özünü yaxşı hiss edir.
“İyunun 18-də məni “Space” televiziyasına çağırmışdılar. Orada üç saat olmuşam və xeyli oxumuşam. Sonra pianinoda çaldım. Caz da ifa etdim. Ona görə möhkəm yoruldum. Məni evə gətirdilər. İndi də yorğunluğum çıxmayıb. Hava da çox istidir. İsti olanda küçəyə çıxmaq mümkün deyil. Maşınlar çoxdur”, - Xalq artisti bildirib.
C.Zeynallının sözlərinə görə, hazırda onu əsasən dişlərində yaranan problemlər narahat edir:
“Həkimlər dörd dişimi çıxardıblar. Bu gün artıq həll olunmalıdır. Saat on ikidə həkimə gedəcəyəm. İndi həkimlər də mənim yaxşı olmağımı istəyirlər”.
Qeyd edək ki, C.Zeynallının səhhətində problemlər yarandığı barədə məlumatlar yayılıb. Aparıcı Mətanət Əliverdiyeva bildirib ki, sənətçi səhhətində yaranan problemə görə “Xəzər axşamı” proqrama gələ bilməyib.
Xatırladaq ki, Cavan Zeynallı 29 sentyabr 1945-ci ildə Bakıda dünyaya gəlib. 2019-cu ildə "Azərbaycan Respublikasının xalq artisti" adına layiq görülüb.
Həmidə İbrahimova
