Mask insanlara dövlət xəzinəsindən birbaşa pul verilməsini təklif edib

Amerikalı sahibkar İlon Mask ABŞ hökumətinə vətəndaşlara dövlət xəzinəsindən birbaşa ödənişlər etməyi təklif edib və süni intellektlə robot texnologiyalarının inkişafının inflyasiya riskini azaldacağını bildirib.

"Ölkə.az" xəbər verir ki, İlon Mask bu barədə "X" sosial şəbəkəsində paylaşım edib.

Maskın sözlərinə görə, ən yaxşı variant vəsaitin birbaşa insanlara göndərilməsidir.

"O vaxta qədər ki, mal və xidmət istehsalının artımı pul kütləsinin artımını üstələyir və bu da süni intellekt və robotların yayılması ilə baş verəcək, inflyasiya olmayacaq. Hətta mən hesab edirəm ki, gələcəkdə əsas problemimiz deflyasiya ilə mübarizə olacaq", - deyə o vurğulayıb.

Milyarder bu fikirləri ABŞ-nin vitse-prezidenti Cey Di Vensin Ağ Evin ölkənin süni intellekt sahəsində fəaliyyət göstərən bütün iri şirkətləri üzərində nəzarəti gücləndirmək planları ilə bağlı açıqlamasına cavab olaraq səsləndirib.(Teleqraf)