Türkiyədəki zəlzələdə azərbaycanlılar da xəsarət alıblar - YENİLƏNİR + AÇIQLAMA

“Azərbaycanın Türkiyədəki səfirliyinin qaynar xətt nömrələrinə Türkiyədə yaşayan və müvəqqəti burada olan Azərbaycan vətəndaşları və onların yaxınlarından müraciətlər daxil olub”.

Bu barədə Oxu.Az-a səfirlikdən məlumat verilib. Qeyd edilib ki, zəlzələnin baş verdiyi hər bölgə üçün səfirliyin bir əməkdaşı ayrılıb və bütün müraciətlər sistemləşdirilir. 

Səfirlik daxil olmuş və əldə edilmiş bütün məlumatları araşdırır. Xəsarət alan və evləri yararsız hala düşmüş vətəndaşlarla bağlı müəyyən məlumatlar mövcuddur.  Zərərçəkənlərin sayı müəyyən edildikdə bununla bağlı ətraflı məlumat veriləcək.

Zərərçəkən vətəndaşlarımızdan və ya onlar barədə məlumatlı olan şəxslərdən +90 535 577 61 68 qaynar xətti vasitəsi ilə səfirliklə əlaqə saxlamaları xahiş olunur.

***
Azərbaycanın Türkiyədəki səfirliyi tərəfindən Türkiyədə təhsil alan azərbaycanlı tələbələrlə mütəmadi olaraq əlaqə saxlanılır.

Bu barədə "Ölkə.az"a Xarici İşlər Nazirliyindən məlumat verilib.

Qeyd edilib ki, zəlzələdən zərər çəkmiş Azərbaycan vətəndaşlarının və onların yaxınlarının +905355776168 vasitəsilə Azərbaycanın Türkiyədəki səfirliyi ilə əlaqə saxlamaları xahiş olunur.

Azərbaycanın İstanbuldakı Baş Konsulluğunun əlaqə nömrələri +905366138648

Azərbaycanın Qarsdakı Baş Konsulluğunun əlaqə nömrələri +905527801418, +905075893011