Nolanın "İnterstellar"ı onun ən uzun filmi olacaq
Gözənilən filmin premyerası yaxınlaşıb
Ölkə.Az xəbər verir ki, Kristofer Nolanın "İnterstellar" adlı yeni bloqbasterin müddəti 2 saat 49 dəqiqə təşkil edəcək, bu məlumatı İNG verir. Beləliklə, bu iş rejissorun karyerasında ən uzun film olacaq.
Nolanın əvvəlki "The Dark Knight Rises" filmi 2 saat 45 dəqiqə davam edir. Azərbaycanda "İnterstellar" filminin premyerası 2014 -cü ilin oktyabr ayında olacaq. Filmin süjeti portalı kəşf edən bir qrup tədqiqatçıların etrafında qurulub.
Bu portal məkan və zamanda səyahət etmək, kosmik gəmidə böyük məsafələri qət etmək üçün imkan yaradır. Filmin ssenarisi rejissorun qardaşı - Conatan Nolana məxsusdur.
Qeyd edək ki, Conatan Nolanın hesabında "Batman" filminin iki hissəsi , həmçinin, "Memento" və "Prestij" filmlərinin ssenariləri var. Amerikalı fizik və astronom Kip Tornun elmi işləri hekayənin esasını təşkil edir.
Filmdə baş rolda Metyu Makkonaxı çəkilib. Onu partnyorları isə Enn Heteuey, Cessika Çeysten, Mett Deymon, Maykl Keyn və Keysi Afflek olublar.
Çinarə Vahabzadə
Ölkə.Az
