İçimizdəki düşmənlər və onların Azərbaycanda süni böhran yarartmaq cəhdləri

Ukrayna hadisələrindən sonra Qərbin sanksiyaları nəticəsində pis vəziyyətə düşən Rusiyadakı prossesləri cəmiyyətimiz böyük narahatlıqla izləməkdədir.

2014-cü il ərzində iqtisadiyyatımızın sıx bağlı olduğu şimal qonşumuza yüz milyardlarla dollar ziyan dəydi. Hazırda maliyyə sektorunda baş verənlərin, rublun sürətli devalvasiyasının qarşısını almaqla məşğul olan Rusiya hökuməti getdikcə vəziyyət üzərindəki nəzarəti itirməkdədir. Çox sayda vətəndaşımızın da çalışdığı Rusiyadakı vəziyyət az da olsa onların qazancından asılı olan ailələlərin gəlirlərinə təsir etməyə başladı.

Rusiyadakı böhranın başlaması ilə birlikdə kompleks tədbirlər planı həyata keçirən Azərbaycan hökuməti iqtisadiyyatımızda, sənayedə və büdcədn maliyyələşmədə heç bir problemin yaşanmayacağını elan etdi. Rublun inflasiyasının bir il ərzində az qala 300%-ə çatmasına baxmayaraq Azərbaycan manatının məzənnəsi dollara nisbətdə hətta artmağa başladı. Düşən neft qiymətləri və neft hasilatının fonunda Azərbaycandakı iqtisadi artış əksər nüfuzlu beynəlxalq reytinq agentlikləri və araşdırmalar mərkəzlərinin analitikləri tərəfindən böyük heyrətlə qarşılandı. Hətta bir çox tanınmış rus iqtisadçıları Azərbaycanı Rusiyaya nümunə göstərərək ölkəmizdə həyata keçirilən iqtisadi layihələrin əhəmiyyətindən və hökumətimizin gördüyü dahiyanə qabaqlayıcı tədbirlərdən danışdılar.

Rusiyadakı böhran dərinləışdikcə ölkəmizin daxilindəki xaricdən dəstəklənən bəzi dağıdıcı qüvvələrin sevinci isə prezidentin yanvar ayı ərzində verdiyi iki sərəncamla "gözlərində qaldı". Prezidentin fərmanı ilə Nazirlər kabinetinə müəllimlərin maaşlarının və təqaüdçülərin pensiyalarının artırılması bütün beynəlxalq reytinq agentlikləri üçün sözün əsl mənasında sürpriz oldu. Daxildəki xarisdən dəstəklənən qüvvələrin, nəzatərlərində olan bəzi medi qurumları vasitəsi ilə mövsümi malların qiymətindəki cüzi artımı "fəlakət kimi" qələmə vermələri də çox keçmədən onların düşmən mahiyyətini bir daha üzə çıxardı. Prezidentin də hökumətin geniş tərkibli iclasında çıxışı zamanı iri layihələrin həyata keçirilməsində heç problemin yaşanmayacağı, büdcədən maliyyələşən iri infrastruktur, yol, körpü, tunel, regiondakı şəhər və qəsəbələrdə kanalizasiyə, su xətti çəkilməsi istiqamətində aparılan bütün işlərin tam sürətlə davam edəcəyi haqqında söylədiyi fikirlər bu gün həmin işlərin davam etməsi ilə öz təsdiqini tapdı. Azərbaycanda böhran və nəticəsində xaos gözləyənlər bir daha məyus oldular.

İqtisadiyyatımız üzərində inhisarçılığa can atan strukturların böhrandan öz mənfəətləri üçün istifadə etmək cəhdlərinin qarşısı da iqtiusadi vəziyyətin sabitliyi ilə birlikdə alınmış oldu. İdxal-ixrac əməliyyatlarını həyata keçirən bəzi biznes strukturları süni bahalaşmadan sui-istifadə edərək daxili bazarda yüksək tələbat mallarının qiymətini qaldırmağa cəhd göstərsələr də, bunun qarşısı qısa bir müddətdə alındı. Əksinə müşahidə etdiyimiz ərzaq bazarında ən mühüm məhsul olan ətin və süd məhsullarının qiymətlərinin düşməsi oldu. Düzgün siyasət nəticəsində təmin olunan iqtisadi sabitliyin məklərini yerinə yetirmədiyi "qara bazar" mafiyası bəzi media qurumları ilə əlbir olaraq daxili iqtisadi vəziyyəti qarışdırmaq üçün heç kəsin tanımadığı müxtəlif "iqtisadçıların" və "ekspertlərin" pessimist notlar üzərinə köklənmiş "təhlillərini" dərc etməyə başladılar. Əslində son 20 ildə Azərbaycanda 2000 dəfə "sosial partlayış", "ağır iqtisadi böhran", "maliyyə böhranı" proqnozlaşdıranlarla bugünkü "qara mafiya" elə eyni mənbədən idarə olunur və qarşılarına qoyulmuş tapşırıq da eynidir. Bu tapşırıq və sifarişin arxasında, region ölkələrinin böhranla boğuşduğu, beynəlxalq maliyyə institutlarının qapısı önündə borc növbəsinə duran qonşu ölkələrin hökumətlərinin əksinə olaraq, inkişaf edən Azərbaycanı da qarışdıraraq, onun hakimiyyətini özlərindən asılı etmək və yüksək faizlə Azərbaycana kreditlər verərək ölkəmizi və xalqımızı köləyə çevirmək durur. Axı inkişaf edən, çiçəklənən, öz iqtisadi gücü ilə ayaqda dura bilən dövlətlər tam müstəqil siyasət həyata keçirir və öz maraqlarından çıxış edərək xalqının istədiyi kimi yaşamağa çalışır. İnkişaf edən, əhalisi savadlı və dünyagörüşlü olan dövləti müstəmləkəyə çevirmək mümkün olmadığı üçün daxildəki dağıdıcı qüvvələr hərəkətə gətirilərək ölkə qarışdıdılır, kütləvi iğtişaşlar qarşıdurmalara, daha sonra silahlı toqquşmalara, vətəndaş müharibəsinə və nəticədə dövlətçiliyin dağılmasına, millətin qul olmasına gətirib çıxarır.

Böhranın sirayət etmədiyi ölkəmizdə daxili sabitliyin pozulmasını yalnız düşmən arzulaya bilər. Ermənilər və onların havadarları ilə müharibə vəziyyətində olduğumuzu nəzərə alsaq, vətəndaş cəmiyyətinin, onun bütün təbəqələrinin tarixidə millətimizin ən böyük qazancı olan MÜSTƏQİLLİYİMİZİ, möhkəmlənən DÖVLƏTÇİLİYİMİZİ qorumaq üçün imkanlarını səfərbər edərək gələn xarici və daxili təhlükəni dəf etməsi övladlarımızın azad və firavan gələcəyinin təmin olunması deməkdir. Əgər bu amal uğurunda birləşə bilməsək, bizi də xalqının bir hissəsi qırılmış, bir hissəsi qaçqın olmuş, bünövrəsinə qədər dağıdılmış ölkələrin aqibəti gözləyir. Bu MÜSTƏQİLLİYİ və DÖVLƏTÇİLİYİ qorumaq hər bir vətənpərvərin VƏTƏNDAŞLIQ BORCUDİR!

Qafqaz Ömərov
Ölkə.az, analitika xidməti