Şimali Qafqazda "Qarabağ ssenarisi"

Rusiyanın çoxmillətli Şimali Qafqaz regionu partlayışahəssas barıt çəlləyini xatırladır.

Bu günlərdə regionun ən iri şəhərlərindən biri olan Pyatiqorskda İnquşetiyadan olan tələbələrlə burada kök salmış ermənilər arasında toqquşma baş verib. Məlumata görə, İnquşetiyadan olan tələbələr yaşadıqları yataxananın pəncərəsindən respublikalarının bayrağını asıblar. Bunu görən ermənilər inquşlara sataşaraq onlardan bayrağı yığışdırmağı tələb ediblər. Yataqxanadan çıxan bir qrup inquş tələbə ermənilərlə qarşı-qarşıya gəlib. Döyülən və daha sonra biabırcasına meydandan qaçan ermənilər polisi köməyə çağırıblar.

Hadisə yerinə gələn polis inquş tələbələrin bir qrupunu həbs edərək bölməyə gətirib. Bölməyə sığınmış ermənilər isə inquşların üzünə duraraq günahı onların üstünə atıblar. Polis erməniləri azad edərək inquşlara qarşı cinayət işi açıb.

Bu kimi etnik zəmində baş verən toqquşmaların sayının getdikcə daha çox artması birinci növbədə ermənilərin kütləvi şəkildə Şimali Qafqaz regionuna yerləşməsi ilə əlaqədardır. Şimali Qafqazın digər milli respublikalarından iri şəhərlərə işləməyə və oxumağa gələn dağıstanlı, çeçen, inquş, kabardin, balkar, qaraçay, çərkəz, adıq və digər millətlərdən olanlar burada ermənilərin bütün biznes və dövlət strukturlarını ələ keçirdikləri faktı ilə qarşılaşırlar. Nə dövlət qurumlarında, nə də biznes strukturlarında özlərinə yer tapa bilməyən dağlı xalqların nümayəndələri iş yerlərinin ermənilər tərəfindən zəbt edilməsinə reaksiya vermək məcburiyyətində qalırlar. Artıq son bir neçə ildə ermənilərin sayının həddən çox artması onların dağlılara qarşı "diş çıxarmasına" səbəb olub. Artıq arxalarında dövlət orqanlarının dəstəyini hiss edən ermənilər böyük şəhərlərdə özbaşınalıqlarını artırmağa başlayıblar. Yerli icra orqanları, polis, prokurorluq və məhkəmə sistemində ermənilərin sayının çoxalması, Moskvanın onlara olan ənənəvi rəğbəti və dağlı xalqlarına olan ənənəvi nifrəti və kini Rusiyanın bu bölgəsində "Qarabağ ssenarisinin" konturlarını aydın şəkildə göstərməyə başlayıb.

Buna əyani sübut isə analizimizin əvvəlində söz açdığımız erməni-inquş toqquşmasının nəticəsi göstərilə bilər. Polisə aparılan inquş tələbələrdən bir neçəsi 15 sutkalıq həbsə məhkum edildikdən sonra geridə qalanlar haqda da tədbirlər görülməsi üçün onların oxuduqları ali təhsil müəssisələrinin rəhbərliklərinə bildirişlər göndərilib. Nəticədə 22 inquş tələbə Pyatiqorsk şəhərinin müxtəlif ali məktəblərindən qovulublar. Belə bir qərarın qəbul olunmasına səbəb isə yerli erməni diasporunun yerli hakimiyyət strukturlarına xərçəng şişi kimi kök atmasıdır. İnquş tələbələr isə birbaşa Stavropol diyarının hökumətindən və təhsil nazirliyindən gələn göstərişlə ali məktəblərdən qovulublar. Hadisə İnquşetiya ağsaqqalları və ictimai təşkilatları tərfindən hiddətlə qarşılanıb. Sosial şəbəklərdə geniş müzakirə mövzusuna çevrilən hadisəyə münasibət bildirən istifadəçilərin hamısı bir neçə il əvvəl ermənilərin Şimali Qafqaz şəhərlərində özlərini "quzu kimi" aparmasını xatırladaraq indi bunların birdən-birə bu qədər cəsarətlənmələrinə təəccübləndiklərini vurğulayıblar.

Bunları Şimali Qafqazdakı qardaş xalqların nümayəndələrinin diqqətinə çatdırmaqda böyük fayda var. Unutmayın ki, 150-200 il əvvəl Cəbuni Qafqaza ruslar tərəfindən qaraçı dəstələri şəkilndə köçürdülən ermənilər o vaxtlar burada da özlərini "quzu kimi" aparırdılar. Aradan keçən vaxt ərzində zəbt etdikləri torpaqları genişləndirən və Moskvanın hərtərəfli yardımını arxalarında hiss edən həmin erməni qaraçılarının tör-töküntüləri Qarabağda onlara çörək verən azərbaycanlılara qarşı hücuma keçdilər. İndi həmin ssenari Şimali qafqazda həyata keçirilir. Əgər qafqazlılar oraya çəyirtkə kimi yayılmış ermənilərin qarşısını vaxtında almasalar müharibə bu dəfə Böyük Qafqaz dağlarının ətəklərində başlayacaq.

P.S. Cənubi Qafaqzda ruslar tərəfindən yaradılan dövlətlərinin elə Rusiya özü tərəfindən müharibə istehkamı kimi istifadə olunması ermənilərə başa salır ki, burada "erməni dövlətinin" heç bir perspektivi yoxdur. Bir tərəfdən düşmən Türkiyə, bir tərəfdən düşmən Azərbaycan, digər tərəfdən heç də dost olmayan Gürcüstan və sabah hansı siyasəti yürüdəcəyi bəlli olmayan İran... belə bir şəraitdə dövlət saxlamaq və xalqına xoşbəxt gələcək təmin etmək artıq mümkün deyil. Bura Rusiyanın hərbi bazasıdır və Rusiya üçün bazasının ətrafında yaşamaq uğurunda mübarizə aparan, əsgər və zabitlərinin tullantıları ilə yaşayan lazımsız bir toplumun gələcəyi və aqibəti ümumiyyətlə maraqlı deyil. Ona görə də ermənilər Cənubdan qaçaraq canlarını qurtarır, xislətlərindəki "böyük xalq" olmaq istəyini Şimalda, Rusiyanın öz daxilində axtarmağa başlayırlar.

Məsul redaktordan
Ölkə.az