Mətn ölçüsü:
  • 100%

"Ərdoğanın daxili düşmən axtarışı 2015 seçkilərinə hesablanmış gedişdir"

Türkiyə prezidenti Rəcəb Tayyib Ərdoğan prezident kimi oktiyabrın 30-da Milli Təhlükəsizlik Şurasının ilk iclasın keçirəcək. Bu məsələ ilə bağlı jurnalistlərin suallarını cavablandıran Ərdoğan bildirib ki, iclasda “paralel hökumət”lə bağlı qərar veriləcək.

Türkiyənin xarici və daxili düşmənlərindən danışan prezidentin "paralel yapının" Təhlükəsizlik Şurasında müzakirə ediləcəyi haqdakı sözləri Gülən camaatını təşvişə salıb. Artıq Türk mediasında Fəthullanın Gülənin "dövlət düşməni" elan olunacağını proqnozlaşdırılanlar belə var.

Qardaş ölkədə baş verən bu prosseslərlə bağlı öz fikirlərini millət vəkili Fazil Mustafa Ölkə.az-la bölüşdü:


Fazil Mustafa: "Türkiyənin daxilində və xaricində dövlət həyatı ilə bağlı hansısa bir təhlükələr varsa, Türkiyə höküməti bu istiqamətdə özünün müəyyən addımlarını atır. Ancaq bunun hüquqi tərəfdən nə dərəcədə əsaslandırılmış olması Türkiyənin hüquq sisteminin müəyyən etməli olduğu bir məsələdir. Hal-hazırda Türkiyənin ətrafında xarici təhlükə kifayət qədər daha aktivdir. Daha çox buna fikir vermək lazımdır. Terror qruplarının, bəzi dövlətinə qarşı çox çirkin planları var ancaq bütün bu proseslərin içindən Türkiyənin daha çox dost qazanaraq çıxması hamının arzusudur. Türkiyənin daha sağlam və təhlükəsiz formada inkişaf etməsi arzulanandır. Ona görə ki, onun inkişafının bizə də faydası var.

Türkiyədə parlamentar sistemdir. Seçki prossesində daxili aiditoriyaya yönəlik atılan müəyyən addımlar da var. Bunların əksəriyyəti heç də əsaslandırılmış addımlar olmaya bilər. Müəyyən elektoratdan səs alırlarsa, yaxud onların marağını təmsil edirsə bəzi siyasətçilərin buna getməsi müşahidə olunur, çox vaxt belə olub. Elə tezislər ortaya atlıb ki, heç kim seçki bitəndən sonra bunu gerçəkləşdirməyin mümkün olmasına inanmayıb. Seçiləndən sonra o gündəmdən çıxıb və o deyiləni həyata keçirməyiblər. Yəni o, konkret bir dövrə aid olan məsələdir. 2015-ci ildə parlament seçkiləri keçirilməlidir və indi atılan bu addıma parlament seçkilərinə hazırlıq kimi baxılmalıdır. Tərəfdarı xarici düşmənə qarşı ümumi konsentrasiya etmək çətin olur, amma daxildə düşmən tapanda, ya kəşf edəndə və yaxud da müəyyənləşdirəndə artıq konkret bir tərəfdar kütləsini daha çox ətrafına cəlb edirsən. Onlar daha çox təşkilat üçün işləməyə başlayırlar. Gedişat onu göstərir ki, bunlar hüquqi məsələlr deyil. 1-2 ildən sonra "Ergenekon" məsələsi kimi siyasi və qondarma bir məsələ olduğu ortaya çıxacaq. Ona görə də, bunu siyasi mənada ciddi qəbul etmək lazımdır, hüquqi mənada ciddi əsası olamayan

məsələdir. Azərbaycanda da bir neçə müddət bu hay-küy getdi. Nə oldu? Bunların hamısı boş-boşuna bəzi kadrların vurulması üzərində düşünülən bir proses idi. Bəhanə edib bundan istifadə etdilər. Əgər onlar təhlükəli idisə bəs niyə o təhlükə baş qaldırmadı? Niyə elə şəbəkələr Azərbaycanda ortaya çıxarılmadı? Bəs nə oldu, adamlar tutuldu ancaq onlardan dövlət əleyhinə ciddi heç bir şey çıxmadı. Bunlar hamısı siyasətdə istifadə olunan variantlardı ancaq hüqiqi variantlar deyil. Hüquqi olmayan variantlar da əslində sonradan adamların özlərinə qarşı çevrilir. Türkiyədə də camaatı təmsil edən qruplar da qanunsuz şəkildə milliyətçi görüşə sahib olan insanları "Ergenekon", "Balyoz" və başqa davalarla həbs qatdılar. Bumeranq sonradan tərsinə döndü, özləri üçün problemə çevrildi. Bu məsələlərə sırf siyasi, texnoloji məsələ kimi yanaşmalıyıq. Türkiyədə düşmənləri daxildə axtarması Türkiyədə siyasətin tükəndiini göstərir. Cəmiyyəti daha qlobal problemlərə istiqamətləndirə bilmirlər artıq və bu təhlükədir. Həmişə bir şey tapırlar ki, cəmiyyəti idarə etsinlər. Cəmiyyət cılız məqsədlər üzərində daha çox toparlansın. Əsas hədəflərdən uzaqlaşdırılsın. Siyasətin bayağılaşması prosesi gedir və bu Türkiyədə daha çox müşahidə olunur".

Səxavət Məmməd

Ölkə.az