Politoloq: "Tehranla yaxınlaşma ABŞ-la əlaqələrimizə təsir etməyəcək"

 Biləsuvar sərhəd buraxılış məntəqəsinin yaxın vaxtlarda 24 saat ərzində fəliyyət göstərməsi planlaşdırılır. Artıq sərhəd buraxılış məntəqəsinin 24 saatlıq fəaliyyəti üçün son tamamlanma işləri aparılır.

Ölkə.az-ın məsələ ilə bağlı sualını politoloq Zərdüşt Əlizadə cavablandırıb.

- Sərhəd buraxılış məntəqəsinin 24 saat işləməsinin ümumi iqtisadiyyata faydası olacaqmı?

- Hər hansı bir-bir vətəndaşların gediş gəlişi ümumi iqtisadiyyata təsir etmir. Bu sadəcə insanların güzəranının yaxşılaşmasına təsir edir. Bu hadisə iqtisadi münasibətlərin inkişafına yalnız o vaxt təsir edə bilər ki, İranda iqtisadi azadlıqlar genişlənsin. Vətəndaşlara daha sərbəst işləmək imkanı verilsin. İnkişaf ancaq dövlətin iqtisadiyyata nəzarətinin azalması ilə başlaya bilər. Hər hansısa bir rayonda gediş-gəliş məntəqəsinin açılması, bütövlükdə iqtisadi münasibətlərə müsbət təsir göstərə bilməz.

- Bildiyiniz kimi ABŞ İrana embarqo qoyub. Biləsuvar sərhəd buraxılış məntəqəsinin 24 saat fasiləsiz çalışması ABŞ-ın hər hansısa qəzəbinə səbəb ola bilərmi?

- Bu hadisə nə ABŞ-İran, nə də ki, Azərbaycan-ABŞ münasibətlərinə zərrə qədər də təsir etməyəcək.

Qeyd edək ki, Azərbaycan tərəfi buraxılış məntəqəsinin fasiləsiz faəliyyət göstərməsinə texniki baxımdan tam hazırdır. Axşam növbəsində çalışacaq heyət tam təşkil olunana qədər hələ ki, bura digər buraxılış məntəqələrindən ezam olunmuş işçilərin cəlb olunması gözlənir.

Fatimə İbrahimova
Ölkə.az