"Burnumdan su axırdı artıq, polis maşını yaxınlaşdı..."

Daxili İşlər Nazirliyinin polis əməkdaşları ötən gücə küçədə çıxılmaz vəziyyətdə qalan vətəndaşa yardım ediblər.

Ölkə.Az xəbər verir ki, bu barədə Bakı sakini Orxan Vəliyev yazıb.

"Dünən gecə saat 3-də mobil telefonumun fənəri yanılı qaldığından batareyası tükənmiş, Babək prospektində qalmışdım. Azı 30 dəqiqə küçədən keçən maşınlara əl eləsəm də, saxlayan olmadı. Hava çox soyuq idi, külək əsirdi, artıq burnumdan su axırdı.

Bir də baxdım ki, Post Patrul Xidməti (PPX) maşını yaxınlaşdı. Heç vəziyyəti sonacan izah etməyə qoymadılar, ünvanı soruşdular, yolüstü olduğumu görüb məni də götürdülər. Belə başa düşdüm ki, məni götürənlər yolda keşik çəkən polisləri yoxlayan komanda idi. Babəkdən girdik, NZS-ə, oradan 8 noyabr prospektinə, çıxdıq Gənclik parkına və Ukrayna dairəsinə çatdıq. Yol boyu mənim yarım saat soyuqda donduğum havada gecə keşik çəkən polisləri yoxladıq, qol çəkdirdik, hamısı ayıq-sayıq növbəsində idi.

Yəqin bilirsiniz, statistikaya görə, Bakı dünyanın ən təhlükəsiz şəhərlərindən biridir. Bunu da o gənclərimizə borcluyuq. Rəis Simran adında nümunəvi polis idi, imkanım olsa, təşəkkürnamə yazardım", - deyə o qeyd edib.

Billurə