Buzovna qayalıqları ilə bağlı şad xəbər - FOTO

Buzovna qayalarının qorunması ilə bağlı ümidverici xəbərlər var.

Ölkə.Az xəbər verir ki, bu barədə "Bakı Gündəliyi" səhifəsi məlumat yayıb. 
Bildirilib ki, ötən ayın axırlarında Azərbaycan Milli Elmlər Akademiyasının (AMEA) A.Bakıxanov adına Tarix İnstitutunun əməkdaşı Faiq İsmayılov əraziyə baş çəkib. 

Sakinlərin AMEA rəhbərliyinə müraciəti əsasında baş tutan görüşdə F.İsmayılov Buzovna qayalarında böyük mədəni irsin olduğunu deyib, təmsil etdiyi qurumun bu irsin öyrənilməsi və qorunması işində sakinlərə dəstək verəcəyinə əminliyini bildirib. Bu təbiət abidələrinin dövlət qeydiyyatına alınacağı və mühafizəsi üçün tədbirlər planının hazırlanıb həyata keçiriləcəyinə ümid ifadə olunub.

Həmçinin qeyd edilib ki, ötən ayın 24-dən 25-nə keçən gecə Buzovna qəsəbəsi ərazisində, Zuğulba deyilən yerdə zəbt edilən dəniz sahili əvvəlki vəziyyətinə qaytarılıb.

Qəsəbə sakini Seyfulla Azər bildirib ki, sahilin zəbt edilməsi işində nüfuzlu şəxsin adından sui-istifadəyə cəhd olunubmuş.