İşə yaramayan dayanacaq: insanlar günün altında qalmağa məcbur olur - FOTO
Bakı Beynəlxalq Avtovağzal Kompleksinin yaxınlığında şəhərin bir çox istiqamətinə avtobuslar gedir. Buna baxmayaraq 2Biləcəri dairəsi adlanan ərazidə, daha dəqiq desək, Rəsid İsmayılov küçəsində cəmi bir dayanacaq yerləşdirilib və bura işlək deyil.
İnsanlar qızmar yay günlərində, küləkli havalarda, eləcə də yağışlı günlərdə özlərinə daldalanmaq üçün yer tapmırlar.
Belə olan halda ərazidə nıə üçün dayanacaq yerləşdirməməsi sual doğurur.
Mövzu ilə bağlı Azərbaycan Yerüstü Nəqliyyat Agentliyindən Ölkə.Az-ın sorğusuna cavab olaraq müavfiq tədbirlərin görüləcəyi bildirilib.
“Qeyd olunan ünvanda avtobuslar üçün cib tipli dayanacaq məntəqəsi mövcud olmasına baxmayaraq həmin ərazi taksilər tərəfindən zəbt edilib. Bu səbəbdən də müntəzəm marşrut xətti üzrə avtobuslar dayanacaq məntəqəsinə daxil olmaqda çətinlik çəkirlər. Məsələ tərəfimizdən nəzarətə götürülüb və problemin aradan qaldırılması üçün müvafiq tədbirlər görüləcək”.
Billurə Yunus
