Jurnalist ölən biznesmen ərindən yazdı: "Neçə qadın ümid etdi, bəlkə ayrıldıq..." - FOTO

Jurnalist Türkan Məmmədli oktyabrın 17-də özünə qəsd edən iş adamı Orxan Məmmədli ilə bağlı paylaşım edib.

Ölkə.Az xəbər verir ki, jurnalist mərhum həyat yoldaşı ilə  fotosunu paylaşıb.

O fotonun üzərinə Vəfa Mürsəlqızının şeirini də yazıb.

Şeirdə deyilir:

Biz səninlə zərrə-zərrə,
Tikə-tikə ayrıldıq,
Gözümüzü üfüqlərə 
Dikə-dikə ayrıldıq.

Bir zamanlar neçəsinin 
kabusuna çevrildim,
Neçəsinin çilik-çilik 
duyğusuna çevrildim,
Neçəsinin ağrısına,
qayğısına çevrildim,
Neçə qadın ümid etdi,
bəlkə bəlkə ayrıldıq!

Bir möhtəşəm xoşbəxtliyin
 günahından sürüşdük,
Az qalmışdı,əl çatırdı 
lap yaxından sürüşdük,
Elə bil ki,yer kürrəsi 
öz oxundan sürüşdü,
Dünya-dünya,şəhər-şəhər,
ölkə-ölkə ayrıldıq.

Qeyd edək ki, mətbuatda gedən xəbərlərdə O.Məmmədlinin ölümünə səbəb kimi onun külli miqdarda borcunun olması göstərilirdi.

Ölkə.Az