Bakıda 16 yaşlı qız peşə məktəbində döyüldü - FOTO
Azərbaycanda yeniyetmə təhsil müəssisəində döyülüb.
Ölkə.Az xəbər verir ki, bu iddia ilə Azərbaycan Uşaqlar Birliyi-Uşaq Sığınacağı Reinteqrasiya Mərkəzinin rəhbəri Kəmalə Ağazadə çıxış edib. Onun sözlərinə görə, hadisə peşə məktəbində baş verib:
"Bu gün peşə məktəblərinin birində 16 yaşlı qızın ailəsi tərəfindən döyülmə faktı aşkarlanıb. Məktəb rəhbərliyi dərhal Daxili İşlər Nazirliyinin 102 xidmətinə məlumat verib. Uşaq ərizəsində təhlükəsizliyinin təmin edilməsi üçün sığınacağa yerləşdirilməsini bildirib. Mən bu məlumatı alan kimi aidiyyatı qurumların koordinasiya formatlı vatsap qrupuna göndərdim. 17 polis bölməsinin əməkdaşları, Sosial Xidmətlər Agentliyinin əməkdaşları birgə yeniyetmə ilə işə başladılar".
O, yeniyetmənin işinə vaxtında baxılmadığını deyərək Nərimanov Rayon İcra Hakimiyyətini də tənqid edib:
"Saat 13:00-dan yeniyetmə polisdədir, İradə xanım (başçının müavini İ.Muradova-red.) isə komissiyanın iclasını saat 18:00-a salıb və heç bir aidiyyatı qurumun fikrini önəmsəmir. Qız isə qorxu içindədir".
Mərkəz rəhbəri Ombudsmana, Ailə, Qadın və Uşaq Problemləri üzrə Dövlət Komitəsinə, Elm və Təhsil Nazirliyinə, eləcə də Baş Prokurorluğa müraciət ünvanlayıb:
"Uşağın həyatı təhlükədədir. Gecə evdən döyülərək qovulub, küçədə gecələyib. Bahar Muradova, lütfən 16 günlük kampaniyanı İradə xanımın ümidinə buraxmayın",- deyə o yazıb.
Billurə
