Elm və Təhsil Nazirliyində yeni təyinatlar olub - ADLAR

Azərbaycan Respublikası Elm və Təhsil Nazirliyində yeni təyinatlar olub.

Ölkə.Az xəbər verir ki, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin Abşeron - Xızı Regional Təhsil İdarəsinin müdir müavini Əliyev Coşqun Vidadi oğlu daha yüksək vəzifəyə təyinat alıb.

Belə ki, o, Quba - Xaçmaz Regional Təhsil İdarəsinin müdiri vəzifəsinə təyin edilib.

Bundan əlavə, qurumun Şəki - Zaqatala Regional Təhsil İdarəsinin müdiri Mehdiyev Bəhruz Yusif oğlu Lənkəran - Astara Regional Təhsil İdarəsinin müdiri vəzifəsinə təyin edilib.

Şəki - Zaqatala Regional Təhsil İdarəsinin müdiri vəzifəsinin icrası regional idarənin müdir müavini Mahmudova Günay Rasim qızına həvalə edilib.