Elm və Təhsil Nazirliyi bu il üçün görülməsi planlaşdırılan işləri açıqlayıb - VİDEO
Elm və Təhsil Nazirliyi 2023-cü ildə təhsil infrastrukturunun yenilənməsi istiqamətində görülmüş işlər və bu il üçün görülməsi planlaşdırılan işləri əhatə edən videoçarx hazırlayıb.
Ölkə.Az xəbər verir ki, çarxda 2023-cü ildə 40 təhsil müəssisəsində tikinti-quraşdırma işləri aparılması öz əksini tapıb.
Belə ki, 2023-cü ildə 3 peşə, 3 məktəbdənkənar, 1 internattipli, 33 ümumi təhsil müəssisəsində tikinti-quraşdırma işləri aparılıb.
Bunlardan 23 təhsil müəssisəsi istismara verilib, 8 təhsil müəssisəsində tamamlanma işləri görülüb.
Daha 38 təhsil müəssisəsinin təmir-tikinti işlərinə hazırlıq həyata keçirilir.
32 təhsil müəssisəsinin bu il təmir-tikintisinə başlanılması planlaşdırılır.
Heydər Əliyev Fondu tərəfindən 20 təhsil müəssisəsinin təmir-tikintisi başa çatıb. 6 təhsil müəssisəsində tamamlanma işləri görülüb.