\"Biz Rusiyanın qulu idik\"

Belarus prezidenti Aleksandr Lukaşenko qul statusunda yaşayır və biz bu statusda yaşamaq istəmirik. 

Ölkə.Az xəbər  verir ki, bunu  Ermənistanın hakim “Vətəndaş müqaviləsi” partiyasından olan deputat Qaqik Melkonyan Ermənistanın KTMT-yə üzvlüyünün dondurulması prosesinə Lukaşenkonun reaksiyasına münasibət bildirərkən deyib.

“Lukaşenko çox şey deyib. Amma onun əsas motivi bu idi ki, Ermənistan hara qaçacaq? Lukaşenko qul statusunda yaşayır və biz bu statusda yaşamaq istəmirik. Biz müstəqil ölkə olmaq istəyirik ki, kiminlə istəsək görüşüb müqavilə imzalaya bilək”, - Melkonyan bildirib.

Melkonyandan Ermənistanın bundan əvvəl müstəqil olmadığını soruşduqda belə cavab verib: “Xeyr, biz Rusiya Federasiyasının qulu idik, çünki bizə hər şeyi diktə edən o idi. Kiminlə görüşməliyik, kiminlə əlaqə saxlamalıyıq? Kim ölkəmizdə prezident olsun”.

Ermənistanın niyə KTMT-dən çıxmadığını soruşduqda deputat belə cavab verib: “Vaxtı gələndə hər şeyi edəcəyik”.

Xatırladaq ki, bundan öncə Aleksandr Lukaşenko Ermənistanın Fransa ilə münasibətini tənqid edib.

Mürtəza
Ölkə.Az