Tanınmış Xocalı sakini toy gününü belə qeyd etdi - FOTOLAR
Tanınmış Xocalıdan olan məcburi köçkün ailəsində xoş gün yaşanıb.
Ölkə.Az xəbər verir ki, sosial mediada Etibar Xocalı (Quliyev) kimi məşhur olan gəncin toyu olub.
O, mərasimdən öncə mərhum din xadimi Hacı Şahin Həsənlinin məzarını ziyarət etməsi ilə diqqət çəkib.
Qeyd edək ki, Xocalı sakini olmuş Quliyev ermənilər tərəfindən törədilən qətliamda ailə üzvlərini, yaxınlarını və qohumlarını itirib. Məşhur fotoda əks olunan İlham Quliyev (əlində körpə ilə) Etibarın doğma dayısıdır. Həmçinin onun babası Allahverdi kişi Xocalı qurbanlarındandır.
Etibar Quliyev 44 günlük Vətən müharibəsində hərbçilərimizin xidmətində olan həmvətənlərimizdən biri kimi də tanınıb.
