\"Ərli-arvadlı dirəşiblər ki, uşağımız bu gün doğulsun\"

Ölkə.Az xəbər verir ki, həm ölkəmizdə, həm də xaricdə cütlüklər nikahlarını, toy mərasimlərini və ya övladlarının dünyaya gəlməsinin həmin günə salmağa çalışırlar.

Təsadüfi deyil ki, 22.02.2022, 03.03.2023, eləcə də 04.04.2024 kimi tarixlərdə toy edənlər və ya qeyrəsiyyə əməliyyatına gedənlər çox olur.

Sosial şəbəkələrin Azərbaycan seqmentində bununla bağlı daha bir fakt paylaşılıb.
Belə ki, sosial şəbəkə istifadəçilərindən biri tanıdığı həkimə istinadla yazır:

"Tanış bir həkim var. Deyir, dünən azı 10 valideyn qeysəriyyə əməliyyatı üçün gəlib. Ərli-arvadlı dirəşiblər ki, hökmən doğum bu gün olmalıdır, qoy, uşağımız 04.04.2024 tarixində dünyaya gəlsin".

Qeyd edək ki, daha əvvəl pediatr Vaqif Qarayev "zerkalni" tarixlərdə uşaq dünyaya gətirməyin mənfi tərəflərindən danışıb. O belə tarixlərdə qeysəriyyə əməliyyatına müraciət edənlərin çox olduğunu xatırladıb. Son illərdə dünyada uşaqların autizm bəlasına düçar olduğunu deyən həkim qeysəriyyə (kesar) kəsiyi ilə dünyaya gələn uşaqlar arasında buna daha çox rast gəlindiyini söyləyib. V.Qarayev əlavə edib ki, uşaqlar təbii yolla doğulmalıdır ki, sağlam olsunlar.

Billurə Yunus