Prezidentin orden verdiyi Tələt Məcidov kimdir? - DOSYE
Ölkə.Az T.Məcidovun dosyesini təqdim edir:
Tələt Məcidov 23 may 1945-ci ildə Bakı şəhərində anadan olub. Azərbaycan Dövlət İqtisad Universitetində təhsil alıb, iqtisad elmləri namizədidir.
O, 1 avqust 1968-ci ildən 2 iyul 1970-ci ilə qədər SSRİ Xarici İqtisad Əlaqələr üzrə Dövlət Komitəsində Əlcəzair və Suriyada, 2 aprel 1977-ci ildən 23 dekabr 1980-ci ilə kimi isə İraqda tərcüməçi işləyib.
6 dekabr 1970-ci ildən 29 mart 1977-ci ilə kimi Azərbaycan SSR Elmlər Akademiyasının Yaxın və Orta Şərq Xalqları İnstitutunda aspirant, laborant, kiçik elmi işçi vəzifələrində çalışıb.
3 yanvar 1981-ci ildən 1 iyul 1983-cü ilə kimi Azərbaycan KP MK yanında Partiya Tarixi İnstitutunda Baş elmi işçi olub.
1983-1990-cı illərdə Azərbaycan KP MK aparatında təlimatçı, sektor müdiri kimi vəzifələrdə işləyib.
1990-cı ildən 1992-ci ilə qədər Azərbaycan Respublikası Prezidentinin İcra Aparatında Prezidentin Xarici siyasət məsələlər üzrə müşavirinin xidmətində məsləhətçi, 1992-ci ilin martından 12 may 1992-ci ilə qədər Prezidentin İcra Aparatının Xarici əlaqələr şöbəsində Şöbə müdirinin müavini, 1992-1999-cu illərdə Prezidentinin Xarici siyasət məsələləri üzrə Dövlət müşavirinin xidmətində məsləhətçi və baş məsləhətçi vəzifələrində çalışıb.
1999-2005-ci illərdə Bakı şəhəri Səbail Rayonu İcra Hakimiyyətinin başçısı olub.
8 fevral 2005-ci ildən Prezident Administrasiyasının Kadr məsələləri şöbəsində şöbə müdiridir.
22 may 2015-ci ildə dövlət qulluğunda səmərəli fəaliyyətinə görə "Şöhrət" ordeni ilə təltif edilib.
22 may 2025-ci ildə Azərbaycanın dövlət qulluğunda uzunmüddətli səmərəli fəaliyyətinə görə Tələt Tahir oğlu Məcidov 1-ci dərəcəli “Vətənə xidmətə görə” ordeni ilə təltif edilib.
Billurə
