Bəzi "psixoloqlar" gənclərin beynini bulandırır, onlara 15 sutka həbs verilməlidir
Hüquq üzrə fəlsəfə doktoru, professor Fərhad Mehdiyev psixoloqlar haqqında müzakirələrə səbəb olacaq fikirlər söyləyib.
Ölkə.Az xəbər verir ki, o, bəzi psixoloqların gəncləri yanlış yönləndirdiyini və ailələrdə ədavət yaratdığını deyib:
“Bəzi başıbəla "psixoloqlar" gənclərin beynin bulandırır və deyir ki, sənin avara və tufeyli bir şəxs olmağının günahı səndə deyil, uşaqlıqda aldığın travmalardan və valideyninin sənə göstərdiyi rəftardandır.
Onu deyən psixoloqa 15 sutkalıq inzibati həbs verilməlidir. Valdeyinin yaxşı-pis əziyyət çəkməyini, yuxusuz gecələr keçirdiyini danan şəxslər nadandır.
Digər tərəfdən bu psixoloqlar, nəsillər arası, ailə daxili ədavətə səbəb olurlar. Cəmiyyətdən təcrid olunası insanlardır, gəl gör ki qanunvericilik buna imkan vermir”, - deyə o əlavə edib.
Billurə
