Hansı namaz düzdür, nə edim? - İlahiyyatçıdan açıqlama

"Hansı namaz düzdür - sualı nə çox verilir. Namaz qılmaq istəyirəm, nə edim? Mən cavab verəndə ki, nəyi düz bilirsənsə, onu da et, - hə, bundan sonra mübahisə düşür. Necə yəni? 
Əlbəttə, axtar, araşdır. Bil ki, sabah Allah səni mühakimə etdikdə, sənin kim olmağın imtiyaz sayılmayacaq".

Ölkə.Az xəbər verir ki, bunu ilahiyyatçı-bloger Fərid Abdullah deyib.

"Səndən soruşulacaq ki, bunu nə üçün edirdin? Əlində dəlilin varsa, nə gözəl.
Mən "Bunu Allah belə deyir və səndən bunu tələb edir" - deməkdən qorxuram. Mən sadəcə gəldiyim qənaəti, əlimdəki dəlili və düz bildiyimi bölüşə bilərəm. Bu mənim gəldiyim qənaətdir - deyə bilərəm. Çünki "Allah səndən məhz bunu tələb  edir" - desəm, sabah bunun hesabını verməli olacağam. Bu gün hər şeyi məhv edən - şəxsi qənaətimizi və ya simpatiya bəslədiyimiz kəslərin fikrini haqq, xoşumuza gəlməyənləri batil kimi təqdim etməkdir", - deyə o bildirib.