İsrail prezidenti "erməni soyqırımını" tanımaq istəmədi

Rubi Rivlin siyasi məsələlərdə xüsusi həssaslıq nümayiş etdirir.

Ölkə.Az İsrail mətbuatına istinadən xəbər verir ki, İsrail prezidenti Rubi Rivlin "erməni soyqırımı" ilə bağlı petisiyanı imzalamaqdan imtina edib.

İsrailin tanınmış ekspertləri Rubi Rivlinin prezident olduqdan sonra siyasi məsələlərdə xüsusi həssaslıq nümayiş etdirdiyini və İsrail-Türkiyə münasibətlərinin daha da gərginləşəcəyindən qorxduğunu vurğulayıblar. Xatırladaq ki, Rubi Rivlin Knessetdə üzv olduğu vaxtda "erməni soyqırımı"-nın tanınmasının tərəfdarı olmuşdu. O, çıxışlarının birində Holokost (Yəhudi soyqırımı) barədə danışarkən digər xalqların da faciələrini inkar etməyəcəyini bəyan etmişdi:

"Biz Holokostla bərabər başqa xalqların faciəsini inkar etməməyi tələb edirik", - deyə o bildirmişdi.

"Erməni soyqırımı" ilə bağlı petisiyanı hazırlayan şəxslər prezidentin bu qərarından təəccübləniblər.

Rəşid Mustafazadə

Ölkə.Az