London metrosundakı terrorla bağlı yeni
“Ölkə.Az” xəbər verir ki, bu barədə ölkənin səhiyyə sistemindən bildirilib. Vurğulanıb ki, hadisə zamanı xəsarət alanların sayı 29 nəfərə çatıb. Bundan əvvəl 22 nəfərin yaralandığı bildirilirdi.
Məlumatda deyilir ki, yaralıların həyatları üçün təhlükə yoxdur.
Qeyd edək ki, "Parsons Qrin" stansiyasında səhər saatlarında partlayış olub. Şahidlərin bildirdiyinə görə, vaqonların birində plastik vedrə partlayıb.
Partlayışdan sonra platformada çaşqınlıq olub. Polis hadisəni terror aktı kimi qiymətləndirib. Skotland-Yarddan bildirilib ki, qatarda yerləşdirilən əldəqayırma partlayıcı qurğu tam işə düşməyib. Cinayəti törətməkdə şübhəli bilinən şəxs müəyyənləşdirilib, onun adı hələ ki, açıqlanmır.
Polis əməkdaşları metropolitendə daha bir bomba aşkar ediblər. Partlayıcı zərərsizləşdirilib.
Ziya Səccad
Ölkə.Az
