Tramp London metrosundakı terrorla bağlı Tereza Meyə zəng vurdu

“Ölkə.Az” xəbər verir ki, bu barədə Ağ Evdən məlumat verilib. Verilən xəbərə görə, Tramp Meyə hadisədən çox kədərləndiyini deyib. 

“Ölkə başçısı D.Tramp bu gün İngiltərənin baş naziri Tereza Meyə zəng vurub. O,  Londonda baş vermiş terror aktına görə çox məyus olduğunu deyib və yaralılara şəfa diləyib. Tramp söz verib ki, London terroru ilə bağlı öz tərəfindən araşdırmalar aparacaq. Hadisəni törədən və günahsız insanların yaralanmasına səbəb olan terrorçunun tezliklə tutulması istiqamətində köməkliyini təklif edən Tramp, beynəlxalq terrorla da mübarizəni gücləndirməyin lazım olduğunu bildirib”, - deyə informasiyada bildirilib.

Qeyd edək ki, "Parsons Qrin" stansiyasında səhər saatlarında partlayış olub. Şahidlərin bildirdiyinə görə, vaqonların birində plastik vedrə partlayıb.

Partlayışdan sonra platformada çaşqınlıq olub. Polis hadisəni terror aktı kimi qiymətləndirib. Skotland-Yarddan bildirilib ki, qatarda yerləşdirilən əldəqayırma partlayıcı qurğu tam işə düşməyib. Cinayəti törətməkdə şübhəli bilinən şəxs müəyyənləşdirilib, onun adı hələ ki, açıqlanmır.

Polis əməkdaşları metropolitendə daha bir bomba aşkar ediblər. Partlayıcı zərərsizləşdirilib.

Ziya Səccad
Ölkə.Az