Tramp Nyu-Yorkda Ərdoğan, Poroşenko ilə görüşəcək

“Ölkə.Az” xəbər verir ki, görüş sentyabrın 21-də BMT Baş Assambleyası çərçivəsində Nyu-Yorkda keçiriləcək. Bu barədə ABŞ prezidentinin müşaviri Herbert Makmaster jurnalistlər üçün keçirdiyi brifinqdə bəyan edib. Onun sözlərinə görə, Tramp həmçinin,Əfqanıstan prezidenti ilə də görüşəcək. 

“Sentyabrın 21-də prezidenti Tramp Türkiyə, Əfqanıstan və Ukrayna liderləri ilə görüşəcək. Daha sonra prezidentin Cənubi Koreya və Yaponiya rəhbərləri ilə birgə işçi nahar edəcəyi gözlənilir. Bundan əvvəl, sentyabrın 18-də prezident Fransa və İsrail liderləri ilə görüşəcək”, deyə H.Makmaster bildirib.

Daha sonra onun Cənubi Koreya və Yaponiya rəhbərləri ilə birgə işçi nahar edəcəyi gözlənilir. Tramp burada Şimali Koreya ilə bağlı yaranmış nüvə problemini müzakirə edəcək.

Qeyd edək ki, BMT Baş Assambleyasının növbəti 72-ci sessiyası sentyabrın 12-də BMT-nin mənzil-qərargahında başlayıb.

Ziya Səccad
Ölkə.Az