Odessada uşaq düşərgəsində yanğın
Odessada uşaq düşərgəsində yanğın baş verib.
"Ölkə.Az" xəbər verir ki, "Viktoriya" düşərgəsində yanğın axşam saatlarında başlayıb. Bu barədə Odessa polis rəisinin müşaviri Ruslan Forostyak məlumat verib.
Bildirilir ki, yanğın vaxtı düşərgədə 150 uşaq olub. Yanan korpusda isə 42 nəfər olub. Yerli mətbuat bildirir ki, 3 qız uşağı itkin düşmüş sayılır. İlkin məlumata əsasən bu uşaqlar həlak olub. Hadisə yerindən bir nəfərin yanmış meyiti tapılıb.
4 uşaq isə xəsarət alıb. Onlardan biri pəncərədən tullanarkən yaralanıb. İki nəfər qazdan zəhərlənib. Bir nəfərin də vəziyyəti pisləşib.
Hikmət Həsənov
Ölkə.Az
