Çexiyanın xarici işlər naziri avtomobil qəzasına düşdü
Çexiyanın xarici işlər naziri Lubomir Zaoralek dünən axşam saatlarında avtomobil qəzasına düşüb.
"Ölkə.Az" xəbər verir ki, Çexiyanın cənubi-şərqində baş verən qəzada başından xəsarət alan nazir helikopterlə xəstəxanaya çatdırılıb. Müayinədən sonra naziri müalicə üçün evə buraxıblar. Bu barədə məlumatı nazirliyin nümayəndəsi İrena Valentova verib.
Məlumatda deyilir: "Qəza nəticəsində xarici işlər naziri yaralanıb. O, Brno xəstəxanasına yerləşdirilib. Nazir başından xəsarət alıb. Hazırda onun vəziyyəti yaxşıdır. Lubomir evdə müalicə olunmaq üçün xəstəxanadan buraxılıb".
Polisin məlumatına əsasən qəzada bir neçə avtomobil, eyni zamanda Zaoralekin içində oluduğu "Audi A8" markalı maşın iştirak edib. 6 nəfər xəsarət alıb.
Zaoralek eyni zamanda Çexiyanın sosial-demokratlar partiyasının lideridir.
Hikmət Həsənov
Ölkə.Az
