Roma papası yəzidiləri halına acıdı

Xristianlar və yəzidilər Yaxın Şərqdən sıxışdırılaraq çıxarılır. Bu insanlar öz etiqadlarına xəyanət etmədən zorakılıqlardan xilas olmaq məqsədilə evlərini tərk ediblər. 

Roma papası Fransis tənqidi çıxışı ilə İraqın Ərbil şəhərində yaşayan xristianların təzyiqlərə məruz qalmasına diqqətləri cəlb etməyə çalışıb. 

Vatikan rəsmisi videoismarış vasitəsilə qeyd edib ki, İraqda İŞİD terrorçu qruplaşmasının törətdiyi zorakılıqlar insan ləyaqətinə sığmayan işləridir. “İraqda müqəddəs yerlər, məbədlər, abidələr və mədəniyyət irsi nümunələri vəhşicə dağıdılıb. Biz bu zorakılıqlara qarşı çıxmalı, insan haqlarını, ləyaqətini qorumalıyıq” - deyə pontif qeyd edib.

İraq xristianları papanın videoismarışı fonunda Ərbil şəhərində toplaşaraq dini bayramı qeyd ediblər. (anspress)

Ölkə.Az