İraqın baş naziri: \"Kürdlərin müstəqillik referendumu tamamilə ləğv edilməlidir\"

"Ölkə.Az" xəbər verir ki, İbadi referendumun təxirə salınmasını yox, tamamilə ləğv edilməsini tələb edib. İbadi deyib: "Bunu kökündən rədd edirik. Referendumun təxirə salınması yox, tamamilə ləğv edilməsi lazımdır".

Mətbuat nümayəndələri ilə görüşündə baş nazir əlavə edib: "İraqın konstitusiyasını şimaldan cənuba qədər bütün iraqlılar təsdiqləyib. Dövlətin bütün orqanları referendumun konsitutisyaya zidd olduğuna aid qərar qəbul edib. Hamı buna tabe olmalıdır. Sən, Məsud Bərzani, Kürdistan bölgəsində çoxluq təşkil etmirsən ki, hamı üçün referendum hazırlayırsan. Kürd olmayanlar hara gedəcək?

Referendum istər indi, istərsə də gələcəkdə və istər Kürdistan, istərsə də digər bölgələrdə həyata keçirilməyəcək. Bunu rədd edirik. Referendum tamamilə ləğv edilməlidir".

Hikmət Həsənov
Ölkə.Az