Rusiya ordusu İŞİD-in mövqelərini darmadağın etdi

Suriyada İŞİD terror təşkilatına qarşı əməliyyat keçirilib.

“Ölkə.Az” xəbər verir ki, əməliyyat Rusiya Hərbi Hava Qüvvələri tərəfindən təşkil edilib. Rusiya Müdafiə Nazirliyinin yaydığı məlumata görə, İŞİD-in Deyr-əz-Zor və İdlib əyalətlərində yerləşən məntəqələri bombalanıb.

“Rusiyanın “TU-95MS” bombardmançı təyyarələri İŞİD terror təşkilatının Suriyadakı məntəqələrinə zərbələr endirib. Rusiyada ərazisindən havaya qalxan təyyarələr İran və İraq üzərindən uçub. “TU-95MS” təyyarələri Suriya səmasında olarkən, İŞİD-in Deyr-əz-Zor və İdlib əyalətlərində yerləşən məntəqələrini bombalayıb”, - deyə məlumatda bildirilib.

Vurğulanıb ki, aviazərbələr nəticəsində terrorçuların canlı qüvvələri və texnikası məhv edilib: “Əməliyyat yaşayış məntəqələrindən, habelə ABŞ xüsusi təyinatlılarının yerləşdiyi bölmədən uzaq ərazidə keçirilib. Əməliyyat nəticəsində terrorçuların çoxsaylı canlı qüvvəsi və hərbi texnikası məhv edilib”, - deyə xəbərdə deyilib.

Məlumatda bildirilib ki, əməliyyatlar davam edir.

Ziya Səccad
Ölkə.Az