Rusiyadakı böhran turizmi də vurdu

Rusiyada getdikcə dərinləşən iqtisadi böhran bir neçə iri turizm şirkətinin bağlanmasına gətirib çıxarıb.

Ölkə.az "Rosbalt" agentliyinə istinadən xəbər verir ki, Rusiyanın ən bpyük turizm şirkətlərindən biri olan "İstanbul travel" öz fəaliyyətini dayandırıb.

Agentliyin verdiyi məlumata görə, şirkət rəhbərliyi istirahət etmək istəyənlərin sayının kəskin düşdüyünü bildirərək Rusiyanın iri korporasiyalarından gələn kütləvi sifarişlərin azaldığını bildirib.

Analitiklər bunun inflyasiya ilə bağlı olduğunu vurğulayırlar.

Xatırladırıq ki, yaydan bu yana, son 3 ay ərzində Moskva və Sankt-Peterburqda 13 iri turizm şirkəti bağlanıb. Bunun rusların daha çox istirahət etdikləri Türkiyə, Misir və Tailand kimi ölkələrin iqtisadiyyatlarına da mənfi təsir göstərəcəyi proqnozlaşdırılır.

Ölkə.az