Türk qırıcıları referendumdan sonra İraqa girdi: 9 ölü
“Ölkə.Az” xəbər verir ki, Türkiyə Silahlı Qüvvələrinin Baş Qərargahından verilən məlumata görə, İraqın şimalında və Şırnak vilayətində əməliyyat keçirib. Əməliyyat Türkiyə Hava Qüvvələri tərəfindən həyata keçirilib.
Türkiyə hərbçiləri Basyan və Kandil ərazilərində aşkar edilən PKK terror təşkilatının məntəqələrini dağıdıblar. Əməliyyat nəticəsində aşkar edilən silahlar, ərzaq və döyüş sursatı məhv edilib. Əməliyyat nəticəsində 9 terrorçu öldürülüb.
Qeyd edək ki, sentyabrın 25-də Şimali İraq Kürd Muxtariyyətının müstəqillik referendumu keçirilib. İraq hökuməti referendumun qanunsuz olduğunu bəyan edib. Türkiyə dövləti referendumu birmənalı olaraq pisləyib. Lakin referendum baş tutub. Səsvermənin nəticələrinə görə, 93 faiz müstəqilliyə “hə”, 7 faiz isə “yox” deyib. Nəticələrə əsasən kürdlər müstəqilliklərini qəbul ediblər.
Referendumdan sonra ilk dəfə olaraq Türkiyə bu gün Şimali İraqa hücum edib.
Ziya Səccad
Ölkə.Az