Yeni İli tənqid edən müsəlman qadını məhkəməyə verdilər

Forumda bir yazı qalmaqala səbəb olub.

Ölkə.Az Rusiyanın "Городские вести" qəzetinə istinadən xəbər verir ki, Sverdlovks vilayətinin Pervouralsk şəhər məhkəməsində Elvira Sultanəhmədovaya qarşı dini nifrətə təhrik etmə şikayəti üzrə işə baxılır.

Bildirilir ki, yerli internet forumların birində Elvira Sultanəhmədova bütün müsəlmanları Yeni İl bayramını qeyd etməməyə çağırıb. Onun fikrincə, bu bayram atəşpərəstlərə məxsusdur və müsəlmanların onu qeyd etməsi doğru deyil. Bunu görən milliyyətçi gənclərdən biri, Stepan Çernoqubov müsəlman qadının ifadələrinə görə şikayət ərizəsi yazıb. Çernoqubov bir müddət əvvəl eyni maddə üzrə məhkum olunmuşdu.

Qeyd edək ki, gənc xanım Yeni İldən başqa Pasxa bayramı və 9 May Qələbə günü istifadə olunan Georqiyevsk lentlərini boykot etməyə çağırıb.

Sultanəhmədovanın müdafiəçiləri iddia edirlər ki, yazılan fikirlər ona məxsus deyil və o bütün bunları müxtəlif islam mənbələrindən götürərək forumlarda yerləşdirib.

Rəşid Mustafazadə

Ölkə.Az