Maduro Trampı ittiham etdi: "Coğrafiyadan başın çıxmır"
"Ölkə.Az" xəbər verir ki, Maduro bildirib ki, Tramp Venesuela və Puerto-Rikonun harada olduğunu bilmir.
Maduronun fikrinə görə, Ağ Evin rəhbəri tarix və coğrafiyanı orta məktəb səviyyəsində də bilmir.
Bundan başqa Maduro Trampı Puerto-Riko sakinlərini təhqir etməkdə də ittiham edib. Tramp qasırğadan sonra əraziyə baş çəkmişdi və yerli sakinlərlə görüş zamanı kütləyə dəsmal atıb.
Venesuela lideri deyib: "Tramp kağızdan oxuyur. Tramp hətta Venesuelanın harada olduğunu bilmir. O, Puerto-Rikonun harada yerləşdiyini bilmir. Tramp Puerto-Rikoya səfər edib ki, yerli xalqı təhqir etsin. Ona Simon Bolivar deyəndə elə bilir ki, söhbət hansısa rok musiqiçidən gedir. Pentaqon nə yazsa, Tramp onu təkrar edir".
Hikmət Həsənov
Ölkə.Az