Türkiyə Avropa İttifaqı ilə İŞİD-ə qarşı birgə mübarizə apara bilər

Türkiyənin Avropa İttifaqına üzvlüyü barədə danışıqlar 2015-ci ildə bərpa edilə bilər.

Ölkə.Az Associated Press agentliyinə istinadən verdiyi xəbərə görə, Türkiyənin baş naziri Əhməd Davudoğlu və Avropa İttifaqının xarici siyasət üzrə başçısı Federik Mogerini Yaxın Şərqdə terrorla mübarizə problemi müzakirə ediblər.

Mogerini və Davudoğlu İŞİD döyüşçüləri haqqında informasiya mübadiləsinin aparılmasının mümkünlüyünün və onlarla birgə mübarizə aparılmasından danışıblar. Avropa komissarı Yohannes Han qeyd edib ki, Türkiyənin Avropa İttifaqına üzvlüyü barədə danışıqlar 2015-ci ildə bərpa edilə bilər.

Xatırladaq ki, Türkiyənin Avropa İttifaqına üzvlüyü haqqında müzakirələr 10 ildən artıq davam edir və əsas fikir ayrılıqlarının yaranmasına səbəb Ankaranın Kipr məsələsindəki mövqeyidir.

Rəşid Mustafazadə

Ölkə.Az