Putin "Cənub axını" yerinə "Türkiyə axını" layihəsini təklif etdi

Ərdoğan: "Türkiyə bütöv regionun enerji mərkəzinə çevriləcək"

Ölkə.Az "RİA Novosti" agentliyinə istinadən verdiyi xəbərə görə, Türkiyə prezidenti Rəcəb Tayyıb Ərdoğan "Cənub axını" əvəzinə tikiləcək yeni qaz kəməri barədə məlumat verib. Prezidentin sözlərinə görə, layihə "Türkiyə axını" adlandırılacaq.

"Putinin təklifi ilə qərara gəldik ki, "Cənub axını"-nın əvəzinə olacaq layihəni "Türkiyə axını" adlandırmaq olar. Bu kəmər Rusiyadan başlayacaq bu kəmər Qara dənizin dibi ilə Türkiyədən keçərək Yunanıstan sərədinə qədər çəkiləcək", - deyə Ərdoğan qeyd edib.

Ərdoğan qeyd edib ki, Türkiyə və Avropa qazdan lazım olan səviyyədə istifadə edə biləcək. Prezident əlavə edib ki, bununla Türkiyə bütöv regionun enerji mərkəzinə çevriləcək.

Rəşid Mustafazadə

Ölkə.Az