"Like" etdiyi üçün 2 ilə yaxın həbsə düşdü

Bir "Like" cinayətkarın tapılmasına səbəb olub.

Ölkə.Az Verge portalına istinadən xəbər verir ki, ABŞ-da yeniyətmə Facebookda "Like"-a görə 19 ay həbsxanada olub. Nyu-York şəhər polisi Harlem rayonunda yaşayan yeniyetməni Facebookda cinayətkar qruplaşmanın paylaşdığı şəkli "Like" etdiyi üçün saxlayıb.

Celani Henri əvvəllər cinayət məsuliyyətinə cəlb olunmyıb, lakin prokuror onu Harlemin kriminal qruplaşmalarından biri olan "Goodfellas"-ın üzvü kimi təsvir edib. Buna əsas kimi Celaninin sözügedən qruplaşma haqqında Facebookda yayılan paylaşımlardan birini "Like" etməsi və "Goodfellas"-ın şəkillərində görünməsi göstərilib. Hakimin qərarına əsasən, yeniyetmə Rikerz adasına məhkum olunub.

Qeyd edək ki, Henri 2012-ci ildə sui-qəsd və digər cinayətlər ittihamı ilə Bronks şəhərində saxlanmışdı. Bir müddət əvvəl onun qardaçı Aşim qanunsuz silah saxlama maddəsi ilə həbs olunmuşdu.

Rəşid Mustafazadə

Ölkə.Az