Rusiyada azərbaycanlılar polisi döyüblər

Nurəliyev sərxoş olub.

24 yaşlı Rusiya vətəndaşı Fərid Məmmədov və 23 yaşlı Azərbaycan vətəndaşı Vitali Nurəliyev Xoxolski rayon məhkəməsi tərəfindən ittiham edilib.

Onlar Rusiya Federasiyası Cinayət Məcəlləsinin 318-ci maddəsi (hakimiyyət nümayəndəsinə güc tətbiq etmək) üzrə günahkar biliniblər.

Məhkəmə tərəfindən müəyyən edilib ki, Məmmədov və Nurəliyev Xoxolski qəsəbəsinin Karl Marks küçəsindən keçərkən bir qrup gənclə sözləşiblər.

Bu zaman Nurəliyev bərk sərxoş olub, bununla o RF KİH 20.21-ci maddəsini (ictimai yerlərdə sərxoş gəzmək) pozub.

Polislər Məmmədova və Nurəliyevə administrativ qayda pozuntusunun qarşısını almaq üçün yaxınlaşıblar.

Məmmədov qarət işi üzrə axtarışdadır. O, sahə rəisinə zərbə endirib. Polis əməkdaşı yerə yıxılıb, bu zaman Nurəliyev ona ayağı ilə zərbə endirib. Cinayətkarlar qaça bilməyiblər, onlar saxlanılıb və polis bölməsinə gətiriliblər.

Məhkəmə rayon prokurorluğunun müttəhimlərlə əlaqəli qərarı ilə razılaşıb. Məmmədov həm də qarətdə günahkar bilinib (RF CM 158 m. 1 h.) və onun hərəkətlərində irəli sürülən ittihama cavab olmadığı üçün residivist xarakter daşıdığı nəzərə alınıb.

Məhkəmə Nurəliyevi altı ay müddətində azadlıqdan məhrum edib, Məmmədov isə üç il müddətində cəzasını ciddi rejimli cəzaçəkmə müəssisəsində çəkməklə üç il müddətində azadlıqdan məhrum edilib, Voronej vilayətinin Prokurorluğu bildirib. Qərardan 10 gün müddətində şikayət edilə bilər./Oxu.az/

Ölkə.Az