\"Rusiya özünütəcrid yolu ilə getməyəcək\"

Lavrov ölkələr arasında açıq dialoqun vacibliyini qeyd edib.

Ölkə.Az RİA Novosti agentliyinə istinadən verdiyi xəbərə görə, Rusiyanın xarici işlər naziri Sergey Lavrov bildirib ki, Rusiya daha çox dövlətlərlə bərabər hüquqluluq prinsipi əsasında münasibətlərini inkişaf etdirməkdə maraqlıdır.

Lavrov ölkələr arasında açıq dialoqun vacibliyini qeyd edib. Onun sözlərinə görə, bütün ölkələrin təhlükəsizlikdə ola biləcəyi və Atlantikdən Sakit okeana qədər uzanan vahid humanitar, iqtisadi məkanın formalaşdırılması barədə danışıqlar aparılmalıdır.

Xatırladaq ki, bir müddət öncə Rusiya xarici işlər naziri çıxışlarının birində bildirmişdi ki, Rusiya dünyadan təcrid olunmayıb.

Rəşid Mustafazadə

Ölkə.Az