Ankarada yeni bələdiyyə sədri seçildi
Ankara Böyükşəhər Bələdiyyəsinin yeni sədrinin kimliyi məlum olub.
“Ölkə.Az” xəbər verir ki, yeni bələdiyyə sədri Ədalət və İnkişaf Partiyasının üzvü Mustafa Tuna seçilib. O, Türkiyə Bələdiyyə Məclisində böyük səs çoxluğu ilə seçilib. O, 136 üzvündən 104-nün səsini qazanıb. 60 yaşlı M.Tuna 2009-cu ildən Sincan bələdiyyəsinin sədri vəzifəsində işləyirdi.
Qeyd edək ki, bundan əvvəl Ankara Böyükşəhər Bələdiyyəsinin sədri Melih Gökçek idi. O, prezidentin xahişi ilə istefa verib.
Melih Gökçek “Twitter” səhifəsində yeni bələdiyyə sədri M.Tunanı təbrik edib: “Mustafa Tuna Ankara Böyükşəhər Bələdiyyəsinin sədri seçilib. Onu yeni vəzifəsi münasibətilə təbrik edirəm. Vəzifəsində uğurlar arzulayıram”.
Ziya Səccad
Ölkə.Az
