İsrail Krımla münasibətləri inkişaf etdirəcək

Epşteyn İsrail vətəndaşı deyil.

Ölkə.Az Krım Media portalına istinadən xəbər verir ki, İsrailin fəxri konsulu Yap Epşteyn İsraillə Krım yarımadası arasında münasibətlərin inkişaf etdirilməsinin planları barədə bəyan edib.

Krımın yəhudi konqresinin sədri olan Epşteynin sözlərinə görə, gələn ilin fevralında Simferopolda krım-israil biznes forumunun keçirilməsi planlaşdırılır. O, həmçinin "Krım-İsrail" iş ittifaqı və ya iqtisadi-sənaye palatasının yaradılması planlarından danışıb.

Krımda İsrailin fəxri konsulluğu keçmiş sovet ölkələri arasında yeganədir və 2013-cü ilin may ayında açılıb. Qeyd edək ki, Epşteyn İsrail vətəndaşı deyil, lakin ölkə adından bəyanatlar verir.

Rəşid Mustafazadə

Ölkə.Az