Rusiyada Rövşən Lənkəranskinin yaxın adamının cinsiyyət üzvünü kəsdilər

Onun üzünü bıçaqla tanınmaz hala düşənə qədər kəsiblər.

Dünən Rusiyanın kriminal avtoritetləri bu ölkənin Sankt-Peterburq şəhərində əməliyyat keçiriblər.

Ölkə.Az oxu.az-a istinadən xəbər verir ki, bazar ertəsi axşam Peterburqda kriminal dairələrdə Çia (gürcü dilində “soxulcan” deməkdir) kimi tanınan, 25 yaşlı suxumili “qanuni oğru” Alşu Barateliyə hücum olub.

“Soxulcan”ı Lenin prospektində kirayə qaldığı evdə yaxalayıblar. Barateli binaya girib, öz yaşadığı mərtəbəyə qalxıb. Orada onu 7 nəfər gözləyib. Elə eyni sayda adam da aşağıda dayanıblar. Onların hamısı Alşunu döyüb və sonda isə üzünü tanınmaz hala düşənə qədər kəsik-kəsik ediblər, hətta cinsiyyət üzvünü də bıçaqla doğrayıblar.

Baratelini izləmək üçün ciddi operativ iş aparılıb. Çia gizli həyat tərzi sürür, ictimai yerlərdə yalnız mühafizə ilə peyda olurdu. Onun yeri haqqında məlumat yalnız yaxınlarının ağzından çıxa bilərdi. Məlumat təsdiqlənən kimi Moskvadan Peterburqa iyirmiyə yaxın başkəsəndən ibarət cəzavermə briqadası yola salınıb.

Çiayanın cəzalandırılmasına onun məşhur kriminal avtoritet, "qanuni oğru" Ded Hasana qarşı planlaşdırılan, lakin baş tutmayan sui-qəsdin hazırlanmasında iştirak etməsi səbəb olub. Kriminal avtoritetlərin fikrincə, Barateliyə bu işdə azərbaycanlı "qanuni oğru" Rövşən Caniyevin (Rövşən Lənkəranksi) “taclandırdığı” Rüfət Gəncinski kömək edib.

Laşanın özüdə ona verilən ada görə Rövşənə borcludur. Buna baxmayaraq kriminal avtoritetlər Rövşən və onun ətrafını qəbul etmir, Çia Sankt-Peterburqda yerli oğru dünyasının korifeyləri Saçino və Giya Datunaşvili ilə əlaqə saxlayırdı.