Yəhudilər kütləvi şəkildə Türkiyəni tərk edir

"Gərək bizlərdən kimsə öldürülsün?"

Ölkə.Az Türkiyədə nəşr olunan "Shalom" qəzetinə istinad edərək xəbər verir ki, məşhur yəhudi iş adamı yazdığı məqalədə Türkiyənin islamlaşdırılması səbəbilə yəhudilər ölkəni tərk edirlər.

"Biz hər gün sıxışdırmalar, hücum və təhdidlərlə üzləşirik. Ümid itib. Bəyəm hökumət, müxalifət, vətəndaş cəmiyyəti, qonşularımız və hüquqşünaslar yalnız bizdən kimsə öldürüləndən sonra buna fikir verməlidirlər?" - deyə yəhudi iş adamı Mois Qabay "Shalom" üçün yazdığı məqalədə qeyd edib.

Turizm sektoru ilə məşğul olan Qabay yazır ki, təhlükəsizliyin təmin edilməməsinə görə bir çox yəhudi ailələri Türkiyəni tərk etməyə üstünlük verir və məktəb məzunlarının 37 %-i ali təhsil almaq üçün xaricə üz tuturlar. Qeyd olunub ki, bu rəqəm ötən illə müqayisədə ikiqat çoxdur.

Qeyd edək ki, sözügedən məqalə İstanbulda yerləşən sinaqoqda naməlum şəxslərin "Bura məhv edilməlidir" yazısını asdıqdan iki həftə sonra qələmə alınıb.

Rəşid Mustafazadə

Ölkə.Az