Instagram möhtəşəm yeniliklərə imza atdı

"Instagram"-a yeni xüsusiyyətlər əlavə olunub.

Ölkə.Az xəbər verir ki, 300 milyon aktiv istifadəçi sayına sahib olan Instagram sosial şəbəkəsi istifadəçilərinə yeni xüsusiyyət və filtrlər təqdim edib. "Twitter"-in "Instagram"-a oxşar tətbiqdə istifadəçilərinə fotoşəkil düzəltmə filtrləri təqdim etməsi İnstagramı hərəkətə keçməyə vadar edib.

Son yeniliklə birlikdə 5 yeni filtr istifadəyə verilib. Slumber, Crema, Ludwig, Aden və Perpetua adlı filtrlər artıq istifadəçilərin bir-birindən fərqli şəkillər paylaşmasına imkan verir.

Bundan əlavə, Instagram videonun "Yavaş hərəkət"(slo-mo) rejimində palaşılması, şərhlərin verilən zamanda, yeniləmə etmədən yazılmasını və kadrlarda korrektənin aparılması imkanlarını verib.

Bunlar yeniliklərin hamısı deyil. İnterfeysdə az da olsa dəyişiklik edilib. Belə ki, filtrlər artıq fərqli görünüşə sahib olublar və lazım olduqda ayarlar menyusundan filtrlərin sıralanmasını fərdi quruluşda əldə etmək mümkün olub.

Rəşid Mustafazadə

Ölkə.Az