Macarıstanda "Putinin dostuna" qarşı kütləvi etirazlar başladı

Ən azı 3 nəfər xəsarət alıb.

Ölkə.Az Reuters agentliyinə istinad edərək xəbər verir ki, Macarıstanın paytaxtı Budapeştdə minlərlə insan korrupsiyaya etiraz edərək baş nazirin istefası tələbiylə küçələrə çıxıb.

Etirazçılar vergilərin qalxması, korrupsiyaya qarşı çıxışlar ediblər. Ölkənin baş naziri Viktor Orbanın təhsil və siyasətdəki islahatlarını pisləməklə yanaşı, həm də onun vəzifədən getməsini tələb ediblər.

BBC-nin əldə etdiyi məlumata görə, Orban hökumətinə qarşı 10 mindən çox şəxs etiraz edib. Nümayişçilər baş naziri Avropa İttifaqından üz döndərməkdə və Kremllə yaxınlaşmaqda ittiham ediblər.

Etiraz aksiyası dinc keçsə də, "Euronews"-un məlumatına görə, ən azı 3 nəfər xəsarət alıb.

Rəşid Mustafazadə

Ölkə.Az