"Həmas" artıq terror təşkilatı deyil

Avropa İttifaqı qərar verdi.

Ölkə.Az TASS agentliyinə istinadən xəbər verir ki, Avropa İttifaqı "Həmas" təşkilatını terrorçu təşkilatlar siyahısından çıxarıb. Avropanın ədalət məhkəməsi qruplaşmanın terrorçu təşkilatların siyahısından çıxarılması barədə qərar qəbul edib. Bu barədə məhkəmənin dekabrın 17-nə olan bəyanatında bildirilib.

Məhkəmənin qərarına əsasən, hərəkata qarşı ittihamlar real hadisələrə yox, KİV və internetdə yayılan iddialara əsaslanır. Təşkilata qarşı məhdudlaşdırıcı tədbirlər hələ ki, 3 ay ərzində qüvvədə olacaq.

Xatırladaq ki, "Həmas" hərəkatı bu siyahıya ilk dəfə 2003-cü ildə daxil edilmişdi. 2007-ci ildə "Həmas" fələstin Qəzza bölgəsini ələ keçirmişdi. Yaponiya, ABŞ, Kanada və İsraildə sözügedən təşkialt terrorçu qruplaşma kimi tanınmışdı. İordaniya və Misirdə isə "Həmas" hərəkatı qadağan olunub.

Rəşid Mustafazadə

Ölkə.Az