Anqlikan kilsəsinin yepiskopu ilk dəfə qadın oldu

Qadınlar heç vaxt Anqlikan kilsəsində yüksək vəzifələri tutmayıblar.

Ölkə.Az "The Telegraph" agentliyinə istinad edərək xəbər verir ki, ilk dəfə Anqlikan kilsəsinin yepiskopu qadın olub. Libbi Leyn adlı şəxs Anqlikan kilsəsinin ilk qadın yepiskopu kimi tarixə düşdü. Leynin təyinatı barədə məlumat Stokportda Anqlikan kilsəsini iyerarxları tərəfindən elan edilib. Onlar bu təyinatı Milad hədiyyəsi adlandırıblar.

Xristian kilsələrində ali, üçüncü dərəcə ruhani rütbəsinə Leynin təyin olunmasını hər kəs yekdilliklə qəbul edib. Bundan sonra qadın yepiskop Stokport inzibati dairəsinə rəhbərlik edəcək.

Qeyd edək ki, bu günə qədər qadınlar heç vaxt Anqlikan kilsəsində yüksək vəzifələri tutmayıblar.

Rəşid Mustafazadə

Ölkə.Az