Ermənistan alman bankından kredit götürdü
KfW Ermənistana 50 milyon avro ayırıb.
Ölkə.Az Ermənistan KİV-nə istinadən xəbər verir ki, Ermənistan hökuməti Almaniyanın KfW yenidənqurma bankı ilə kredit anlaşması layihəsini təsdiq edib. Layihə çərçivəsində bankın Ermənistana 50 milyon avro məbləğində kredit ayırması nəzərdə tutulur.
Vəsait Türkiyə ilə sərhəddə yerləşən Axuryan çayının ərazisində Kaps su anbarının bərpası və tikintisinin yekunlaşdırılmasına sərf olunacaq. Daha 2 milyon isə qrant şəklində texniki dəstək üçün ayrılacaq.
KfW-nin təqdim etdiyi məbləğ 5 illik güzəşt müddəti ilə verilcək. Kreditin faizi müqavilənin imzalanması günü müəyyənləşdiriləcək.
Rəşid Mustafazadə
Ölkə.Az
