"Fransa Ermənistana münasibətini dəyişməyəcək"
Fransanın Ermənistan və 1915-ci il hadisələri ilə bağlı mövqeyi dəyişməyəcək.
Bunu Fransanın Türkiyədəki səfri Loren Billi deyib.
Onun sözlərinə görə, Ankara Paris-Yerevan əlaqələrini bilir: "Fransanın Ermənistana münasibətdə mövqeyinin dəyişməsi gözlənilmir".
Qeyd edək ki, Ermənistan və erməni lobbisi bəyan edir ki, Türkiyənin sələfi olan Osmanlı İmperiyası 1915-ci ildə Anadoluda yaşayan ermənilərə qarşı "soyqırım" törədib. Erməni təbliğatının təzyiqi ilə bir sıra ölkələrin parlamentləri qondarma "soyqırım"ı tanıyıblar.
Türkiyə hökuməti 1915-ci il hadisələrinin araşdırılması üçün ortaq komissiya yaradaraq arxivlərin açılmasını təklif etsə də, Ermənistan hökuməti Ankaranın bu təklifini hələ də rədd edir. (Trend)
Ölkə.Az