Obama rəsmən Ukraynada azadlığı dəstəklədi
Vaşinqton Avropada müttəfiqlərlə sıx şəkildə işləməyə davam edir.
Ölkə.Az Ağ Evin rəsmi saytına istinadən xəbər verir ki, ABŞ prezidenti Barak Obama "Ukraynada azadlığın dəstəklənməsi haqqında" akt imzalayıb.
ABŞ prezidenti Obama Kiyevə yardımın göstərilməsi və Rusiyaya qarşı sanksiyaların sərtləşdirilməsini nəzərdə tutan "Ukraynada azadlığın dəstəklənməsi haqqında" aktı ratifikasiya edib.
"Bu qanunun imzalanması administrasiyanın müttəfiqlərlə razılaşdırdığımız, hadisə yerində olanlarla uyğunlaşdırdığımız və diqqətlə düşündüyümüz sanksiyalar məsələsində olan siyasətini dəyişmir. Hal-hazırda administrasiya sanksiyalar tətbiq etməyi düşünmür. Lakin qanun ona lazım olduqda səlahiyyətlərdən istifadə etmyə imkan verir", - deyə Obama bildirib.
Obama qeyd edib ki, Vaşinqton Ukrayna hadisələrinə beynəlxalq səviyyədə reaksiya vermək üçün Avropada müttəfiqlərlə sıx şəkildə işləməyə davam edir.
Rəşid Mustafazadə
Ölkə.Az
